Не змоўкне голас песняра
7 ліпеня бібліятэкі Астравеччыны адзначаюць “Купалаўскі дзень на Гродзеншчыне”.
Дзень нараджэння Янкі Купалы супала з беларускім народным святам Купалле, таму і псеўданім класік выбраў адпаведны. Яго творы да гэтага часу вывучаюцца ў школе, публікуюцца ў часопісах і газетах, перавыдаюцца вялікімі тыражамі. Важнае месца постаці песняра адводзіцца ў бібліятэках Астравецкага раёна.
Астравецкая раённая бібліятэка запрасіла гараджан у сквер на акцыю “Не змоўкне голас песняра”. Супрацоўнікі падрыхтавалі кніжную выставу-панарму “Пясняр роднай зямлі” з выданнямі розных гадоў, расказалі жыхарам пра біяграфію і творчы шлях пісьменніка. Прысутным было прапанавана прадэкламаваць вершы паэта. Удзельнікі акцыі аднесліся да прапановы з энтузіязмам і актыўна ўключыліся ў чытанне вершаў. Працавала таксама дзіцячая пляцоўка “Янка Купала дзецям”. Маленькія чытачы з замілаваннем слухалі вершы, задавалі пытанні. Пасля прышоў час танцаў. Усе змаглі паспрабаваць свае сілы ў побытавых танцах.