Лiпень
11
Лiпень
11
Бюлетэнь новых паступленняў
Лiпень
11
33 сакрэты сонечнага лета
У філіяле “Міхалішкаўская сельская бібліятэка” прайшла квэст-гульня “33 сакрэты сонечнага лета”. Для ўдзельнікаў былі падрыхтаваны станцыі. На першай яны прыгадалі прыказкі і прымаўкі, на другой – адгадвалі загадкі, трэцяя і чацвёртыя станцыі былі прысвечаны казачным героям, а апошняя – казачным пераўтварэнням. Мерапрыемства спадабалася дзецям і падаравала добры настрой.
Лiпень
11
Нам засталася спадчына
У філіяле “Страчанская сельская бібліятэка-клуб” прайшла літаратурная вечарына “Нам засталася спадчына”, прысвечаная 140-годдзю з дня нараджэння Янкі Купалы. Для ўдзельнікаў была падрыхтавана гульня, якая ўключала ў сябе невялікі аповед пра жыццёвы і творчы шлях пісьменніка, а таксама заданні і конкурсы рознага ўзроўню. Прысутныя прыгадалі радкі з вядомых твораў і пазнаёміліся з выставай літаратуры да юбілею класіка.
Лiпень
11
Акцыя “Здравия желаю!”
Людзі, якіх дакранулася хвароба, асабліва патрабуюць увагі і добрага слова. Вольга Багдановіч, бібліятэкар філіяла “Міхалішкаўская сельская бібліятэка”, наведала аддзяленне сястрынскага догляду мясцовай бальніцы з акцыяй “Здравия желаю!” З сабой яна прыхапіла порцыю мастацкай літаратуры, газеты і часопісы. Пацыенты шчыра яе павіталі, з задавальненнем азнаёміліся з літаратурай. Напрыканцы бібліятэкар пажадала чытачам моцнага здароўя і жыццёвых сіл.
Лiпень
11
Салодкі дзень у бібліятэцы
7 ліпеня адзначаецца ўлюбёнае свята ўсіх аматараў салодкага – Сусветны дзень шакаладу. Філіял “Міхалішкаўская сельская бібліятэка” таксама далучыўся да святкавання. Каб парадаваць сваіх юных чытачоў, бібліятэкар Вольга Багдановіч падрыхтавала пазнавальна-шакаладнае асарці “Салодкі дзень у бібліятэцы”.
Лiпень
8
Творы Купалы і Коласа нас вучаць Радзіму любіць
У філіяле “Варнянская сельская бібліятэка” да юбілею класікаў аформлена кніжная выстава “Душа народа ў творах іх жыве”, а таксама прайшла гадзіна гучнага чытання “Творы Купалы і Коласа нас вучаць Радзіму любіць”. Пасля прысутныя мелі магчымасць пазнаёміцца з фільмам “Запрашаем наведаць мясціны Янкі Купалы і Якуба Коласа”.