У філіяле “Палушская сельская бібліятэка-клуб” прайшла гульнёвая праграма “Мы з сябрамі не сумуем, а гуляем і чытаем”. Удзельнікі пагулялі ў розныя гульні, пазнаёміліся з новай дзіцячай літаратурай, падрыхтаванай на кніжнай выставе “Книжная радуга лета”, выканалі заданні, якія былі для іх падрыхтаваны, а галоўнае – атрымалі добры настрой.
У філіяле “Гудагайская сельская бібліятэка” прайшла метэавіктарына “Ці ведаеце вы, што…”. Бібліятэкар пазнаёміла падлеткаў з паняццем метэаралогія, гісторыяй узнікнення навукі, расказала цікавыя факты аб надвор’і. Прыгадалі народныя прыкметы, звязаныя з надвор’ем, а таксама жывёл і птушак, якія дапамагаюць у гэтым. Падлеткі прыгадвалі прыкметы, якія чулі ад сваіх бабуль. З дапамогай метэавіктарыны праверылі свае веды і атрымалі новыя. Напрыканцы мерапрыемства прысутным былі прапанаваны рознага плана энцыклапедыі, і яны з вялікім энтузіязмам іх разглядалі.
