Верасень
28
Пасяджэнне “Здаравейкі”
27 верасня ў Міхалішкаўскай сельскай бібліятэцы прайшла гутарка ў рамках аматарскага аб’яднання “Здаравейка” “Не кожную ягодку ў рот, не кожны грыб у кошык”.
Бібліятэкар Багдановіч Вольга Аляксандраўна расказала дзецям пра дары лесу, пазнаёміла іх з адпаведнай літаратурай. У ходзе гутаркі юныя чытачы даведаліся аб ягадах і грыбах, якія з іх карысныя, а якія шкодныя, як іх не пераблытаць, і што трэба рабіць, каб пазбегнуць бяды. Затым на свежым паветры правялі віктарыну “Не кожную ягодку ў рот, не кожны грыб у кошык”, дзе дзеці адказалі на пытанні, адгадалі загадкі пра ягады і грыбы. У ходзе віктарыны дзеці пазнаёміліся з правіламі паводзін чалавека ў лесе.